पावसाळ्यापूर्वीची कामं - कुंडीकऱ्यांसाठी
मंडळी थोड्याच दिवसांत पावसाला सुरुवात होईल. पाऊस एकदा सुरु झाला की सुरुवातीचे काही दिवस आपल्याला फार काही करता येणार नाही. अन पाऊस जेव्हा उसंत घेईल तेव्हा कदाचित उशीर झालेला असेल. म्हणून अजून हातात वेळ आहे तोवर पावसाळ्यापूर्वीची काही कामं आपण केली तर पावसाळ्यात आपल्याला भाज्या व इतर फुलझाडं वगैरेंनी आपली बाग आपल्याला सुशोभित करता येईल. तेव्हा त्यासाठी काही सुचना व सल्ले. बागकाम करणाऱ्या तीनही प्रकारांसाठी. म्हणजे कुंडीमधली बाग, गच्चीवरची बाग अन जमिनीवरची मातीमधली बाग करणाऱ्या सर्वांसाठीच.
२. पृष्ठभागावरची माती खोलवर मोकळी करुन घ्या. नेहमीच्या खतं अन पाणी देण्याने मातीचा वरचा थर कडक होतो. त्यामुळे पाणी वरच्या भागातच साठून रहातं. हा थर मोकळा केला तर पाणी आतपर्यंत जाऊ शकेल तसंच मुळांपाशी हवाही खेळती राहील.
३. कुंडीच्या वरच्या थरातील दोन इंच माती काढून घ्या. आतला भाग कडक असेल तर तोही हलक्या हाताने, मुळांना धक्का पोहोचणार नाही अशा बेताने मोकळा करुन घ्या.
४. आता मोकळ्या झालेल्या भागात कंपोस्ट / शेणखत / गांडूळखत वगैरे जे काही उपलब्ध असेल किंवा जे काही नेहमी वापरत असाल ते घालून घ्या. ते हलक्या हाताने दाबून घेऊन काढलेली माती वरुन घाला व तीही हलक्या हाताने दाबून घ्या. कुंडी पुर्ण भराय़ची नाहीये. वरच्या बाजूने एक ते दीड इंच मोकळीच ठेवायची आहे. यासाठी की जास्तीचं पाणी जेव्हा वरुनच वाहून जाईल तेव्हा आपण दिलेलं खत किंवा माती वाहून जायला नको.
५. पाऊस सुरु होताना किंवा त्यापूर्वी वेगाने वारे वाहू लागण्यापूर्वी झाडांचा आकार आटोपशीर करुन घ्या. फांद्यांचे वरचे भाग छाटून घ्या. मोठी झालेली झाडं वाऱ्या-पावसाच्या माऱ्याने कलंडण्याची शक्यता असते. म्हणून झाडाचा आकार आटोपशीर ठेवा. अर्थात पाऊस अजून सुरु झाला नसेल व उन्हाची तीव्रता अधिक असेल तर असं प्रुनिंग करु नका. एखाद दोन सरी येऊन गेल्या, वातावरणार गारवा आला की मगच करा.
© राजन लोहगांवकर
वानस्पत्य
कोणत्याही टिप्पण्या नाहीत:
टिप्पणी पोस्ट करा